பாக்கிஸ்தானின் முன்னாள்பிரதமர் இம்ரான் கைதுசெய்யப்பட்டமைக்கு எதிர்ப்பு தெரிவித்து அவுஸ்திரேலியாவில் வசிக்கும் பாக்கிஸ்தானியர்கள் ஆர்ப்பாட்டங்களில் ஈடுபட்டுள்ளனர்.
நீதிக்காக தானும் தனது குடும்பத்தினரும் போராடுகின்றனர் என மெல்பேர்னை சேர்ந்த அயேசா பக்ஸ் தெரிவித்துள்ளார்.
எனக்கு அரசியலில் ஆர்வம் இல்லை ஆனால் இம்ரானிற்கு நடந்தது அநீதி என அவர் குறிப்பிட்டுள்ளார்.
எனக்கு அரசியலில் ஆர்வம் இல்லை ஆனால் இம்ரானிற்கு நடந்தது அநீதி என அவர் குறிப்பிட்டுள்ளார்.
இம்ரான்கானின் கைது அவரது கட்சியின் நாடாளுமன்ற உறுப்பினர்களிற்கு எதிரான ஒடுக்குமுறை ஊடகங்கள் முடக்கப்பட்டமை இவை அனைத்தும் நியாயமற்ற விடயங்கள் என அவர் தெரிவித்துள்ளார்.
இந்த பயங்கரவாதத்திற்கு பின்னால் சீருடையுள்ளது எனவும் ஆர்ப்பாட்டக்காரர்கள் கோசங்களை எழுப்பியுள்ளனர்.
இம்ரான்கானை பதவியிலிருந்து அகற்றுவதற்கு இராணுவம் சதி செய்தது என தெரிவிக்கப்படுவதாலும் அவரை கொலை செய்ய இராணுவம் சதி செய்தது என்ற குற்றச்சாட்டுகள் காரணமாகவும் இராணுவத்தை ஆர்ப்பாட்டக்காரர்கள் குற்றம்சாட்டுகின்றனர்.
பாக்கிஸ்தானின் 76 வருடகால வரலாற்றில் பாக்கிஸ்தான் இராணுவம் பல தடவைகள் தலையிட்டுள்ளது- எனினும் இம்ரான்கானின் குற்றச்சாட்டை அது நிராகரித்துள்ளது.
பாக்கிஸ்தானில் நீண்டகாலமாக தாமதமாகியுள்ள தேர்தல்களை நடத்துவதற்கு சர்வதேச சமூகம் தலையிடவேண்டும் என மெல்பேர்ன் ஆர்ப்பாட்டத்தினை ஏற்பாடு செய்த பாக்கிஸ்தான் சமூகத்தை கிரான் வலி தெரிவித்துள்ளார்.
இம்ரான்கான் கொல்லப்படலாம் என்ற அச்சம் காரணமாகவே ஆர்ப்பாட்டத்தில் கலந்துகொண்டதாக சிட்னியை சேர்ந்த அசீம் மும்தாஜ் தெரிவித்துள்ளார்.
பாக்கிஸ்தான் இளைஞர்கள் கல்வியறிவுள்ளவர்கள் அவர்களிற்கு அமைப்பு முறை ஊழல் மிகுந்தது என்பது தெரியும்சில கட்டமைப்புகளை சிலர் கைப்பற்றி தீர்மானங்களை எடுக்கின்றனர் எனவும் அவர் தெரிவித்துள்ளார்.
பல வருடங்களின் பின்னர் இம்ரான்கான் போன்ற ஒருவர் எமக்கு கிடைத்துள்ளார் அவரை போலியான குற்றச்சாட்டுகளின் கீழ் கைதுசெய்துள்ளனர் எனவும் அவர் தெரிவித்துள்ளார்.
