அமெரிக்கா, ஜப்பான், இங்கிலாந்து உள்ளிட்ட நாடுகள் அடங்கிய ஜி-7 அமைப்பின் உச்சி மாநாடு ஜப்பானின் ஹிரோஷிமா நகரில் கடந்த 3 நாட்களாக இடம்பெற்றது.
இந்த உச்சி மாநாட்டில் உக்ரைன் ஜனாதிபதி விளாடிமிர் ஜெலன்ஸ்கியும் கலந்து கொண்டார். அவர் ஜி-7 உறுப்பு நாடுகளின் தலைவர்கள் மற்றும் சிறப்பு அழைப்பாளர்களாக கலந்து கொண்ட தலைவர்களை சந்தித்து கலந்துரையாடியுள்ளார்.
இதில் உக்ரைன் விவகாரம் குறித்து விரிவாக விவாதிக்கப்பட்டுள்ளது. இதன் போது உக்ரைன் ஜனாதிபதி விளாடிமிர் ஜெலன்ஸ்கி பங்கேற்று ரஷ்யாவின் தாக்குதல் ஏற்படுத்தி வரும் பாதிப்புகள் தொடர்பில் விளக்கமளித்துள்ளார்.
ஜி-7 மாநாட்டின் பக்க அம்சமாக இடம்பெற்ற சர்வதேச அமைதி மற்றும் நிலைபேற்றுத்தன்மை தொடர்பான விவாதத்தின் போதும் , இதிலும் ஜெலன்ஸ்கி சிறப்பு விருந்தினராக கலந்து கொண்டு உக்ரைன் நிலைவரம் தொடர்பில் தெளிவுபடுத்தியுள்ளார்.
